काठमाडौं । गत चैत्र १५ गते राजावादीले गरेको हिंसात्मक प्रदर्शनका कमाण्डर दुर्गा प्रसाईं पक्राउ परेको प्रहरीले पुष्टि गरेको छ ।
प्रहरी प्रवक्ता दिनेशकुमार आचार्यले प्रसाईंलाई झापाको भद्रपुर क्षेत्रबाट पक्राउ गरेको पुष्टि गरे । तर उनलाई प्रहरीको विशेष ब्यूरोले भारतमा पुगेर नियन्त्रणमा लिएको जनाइएको छ ।
हेडक्वार्टरले एक विज्ञप्ति जारी गरी प्रसाई र उनका ‘बडिगार्ड’ खड्कालाई भद्रपुरबाट नियन्त्रणमा लिइएको जनाउँदै आवश्यक अनुसन्धानका लागि काठमाडौं ल्याइँदै गरेको जनाएको छ ।
