काठमाडौं । नेपाली बजारमा आज शुक्रबार सुन र चाँदी दुवैको मूल्यमा वृद्धि भएको छ। नेपाल सुनचाँदी व्यवसायी महासंघका अनुसार आज सुनको मूल्य प्रतितोला १ हजार रुपैयाँले बढेको छ भने चाँदीको मूल्यमा पनि ५० रुपैयाँको वृद्धि भएको छ।
महासंघले आज शुक्रबारका लागि सुनको मूल्य प्रतितोला २ लाख ८५ हजार रुपैयाँ निर्धारण गरेको छ। यो मूल्य अघिल्लो दिन बिहीबारको तुलनामा १ हजार रुपैयाँले बढी हो। बिहीबार नेपाली बजारमा सुन प्रतितोला २ लाख ८४ हजार रुपैयाँमा कारोबार भएको थियो ।
आज चाँदीको मूल्य प्रतितोला ४ हजार ३६० रुपैयाँ तोकिएको छ । यो बिहीबारको तुलनामा तोलामा ५० रुपैयाँको वृद्धि हो । हिजो बिहीबार चाँदी प्रतितोला ४ हजार ३१० रुपैयाँमा कारोबार भएको थियो।
