काठमाडौं । भारत र श्रीलंकामा जारी आइसिसी टी–२० विश्वकप अन्तर्गत दोस्रो खेलमा नेपालले इटालीलाई १ सय २४ रनको सामान्य लक्ष्य दिएको छ ।
मुम्बईस्थित वानखेडे स्टेडियममा टस हारेर ब्याटिङ गरेको नेपालले १९.३ ओभरमा १ सय २३ रन बनाएर अलआउट भयो ।
नेपालका लागि आरिफ शेखले २७, कप्तान रोहितकुमार पौडेलले २३, आसिफ शेखले २०, दीपेन्द्र सिंह ऐरीले १७ तथा करण केसीले अविजित १८ रन बनाए । बाँकी ब्याटरले भने दोहोरो अंकमा समेत रन जोड्न सकेनन् ।
इटालीका लागि क्रिशन कालुगामेजले सर्वाधिक तीन, बेन मानेन्टीले दुई, जेजे स्मट्स, अली हसन र जसप्रीत सिंहले एक/एक विकेट लिए ।
