काठमाडौं । आईसीसी ट्वान्टी–ट्वान्टी विश्वकपका लागि भारतमा रहेको नेपाली राष्ट्रिय क्रिकेट टोलीले आज पहिलो अभ्यास खेल खेल्दैछ ।
मुम्बईमा तयारी गरिरहेको टोली अभ्यास खेलका लागि चेन्नई पुगेको छ । त्यहाँ नेपालले यूएई र क्यान्डासँग दुईवटा वार्म अप म्याच खेल्नेछ ।
पहिलो वार्म अप म्याच अन्तर्गत नेपालले आज संयुक्त अरब इमिरेट्स (यूएई)सँग प्रतिस्पर्धा गर्न लागेको हो । नेपाली समयअनुसार खेल आज साँझ ५ बजेर १५ मिनेटदेखि चेन्नईस्थित एमए चिदम्बरम रङ्गशालामा हुनेछ ।
