काठमाडौं । सिद्धार्थ बैंक लिमिटेडले ग्राहकहरुको तत्कालको वित्तिय आवश्यकतालाई सहज र सर्वसुलभ सम्बोधन गर्ने उद्देश्यका साथ सेयर धितो कर्जाको लागि अनलाइन आवेदन सेवा संचालनमा ल्याएको छ जस अन्तर्गत गाह्रकहरुले आफ्नो सेयरहरु धितो राखी बैंकबाट आवश्यक कर्जा रकम प्राप्त गर्न सकिनेछ ।
यस सेवा अन्तर्गत ग्राहकहरुद्धारा बैंकको मोबाइल बैंकिङ एप (BankSmart XP >Easy Loan> Loan Services>Loan Against Share) मार्फत सेयर धितो कर्जाका लागि सजिलै अनलाइन आवेदन दिन सकिनेछ ।
साथै गाह्रकहरुले आफ्नो कुल धितो रहने सेयरको मुल्यांकनका आधारमा ७० प्रतिशत सम्म सेयर धितो कर्जा सहजै लिन सकिनेछ । यस सुविधा मार्फत ग्राहकहरुले आफ्नो व्यक्तिगत तथा व्यवसायिक आवश्यकता सहज रुपमा पूरा गर्न सक्ने छन् भन्ने विस्वास बैंकले लिएको छ ।
ग्राहकहरुलाई छिटो, सुरक्षित तथा भरपर्दाे वित्तिय सेवा प्रदान गर्ने उद्देश्यले सञ्चालनमा ल्याइएको सेयर धितो कर्जा सेवा सिद्धार्थ बैंकको सबै शाखाहरुमा उपलब्ध छ ।
यस सुविधाको बारेमा थप जानकारीका लागि बैंकको २४ सै घण्टा सञ्चालनमा रहने गा्रहक सेवा केन्द्र, ‘सिद्धार्थ केयर’ मा निम्न माध्यमहरु मार्फत सम्पर्क गर्न सकिनेछ ।
